ஆர்.ஏ.புரத்தில் வீடுகளுக்குள் நுழைந்த மழைநீர்

மயிலாப்பூரில் ஞாயிற்றுக்கிழமை அதிகாலை முதலே மழை பெய்யத் தொடங்கியதால் ஆர்.ஏ.புரம் 1-வது மெயின் ரோட்டில் உள்ள அடுக்குமாடி குடியிருப்புகளின் தரைத்தளத்திலோ அல்லது வீடுகளிலோ வசிப்பவர்கள் கடும் அவதிக்குள்ளாகினர்.

ஆர்.ஏ.புரம் 1-வது மெயின் ரோட்டில் பெருகி வரும் மழைநீரானது அவர்களது வீட்டு வளாகங்களுக்குள்ளும், பின்னர் அவர்களது வீடுகளுக்குள்ளும் நுழைந்து ஓடத் தொடங்கியது.

இந்த பகுதியில் வசிக்கும் ஒருவர் தனது படுக்கையறை மற்றும் சமையலறையில் தண்ணீர் இருப்பதைக் காட்டும் புகைப்படங்களையும் வீடியோக்களையும் பகிர்ந்துள்ளார்.

கணேஷ் கிருஷ்ணன் 3வது தெருவில் உள்ள தனது வீட்டிற்குள் தண்ணீர் இருக்கும் புகைப்படங்களையும் பகிர்ந்துள்ளார்.

​​2016 ஆம் ஆண்டு ஏற்பட்ட பெருவெள்ளத்தின் போது ஆர்.ஏ.புரத்தின் பல பகுதிகள் நீரில் மூழ்கியது, அதன்பின்னர், இந்த பிரச்சினைக்கு தீர்வுகாண வடிகால் கட்டப்பட்டது. ஆனால் சேமியர்ஸ் ரோடு மற்றும் போட் கிளப் பகுதிகளில் இருந்து மழைநீர் பலமாக உள்ளே செல்வதாக இந்த பகுதியில் வசிக்கும் குடியிருப்புவாசி ஒருவர் கூறுகிறார்.

உள்ளூர் குடியிருப்பாளர்கள் நலசங்கமான RAPRA, இந்த சிக்கலைத் தீர்ப்பதில் அதிக ஆர்வம் காட்டியது, ஆனால் வழங்கப்பட்ட தீர்வுகள் மழைக்கால வெள்ளத்தை முழுமையாக நிவர்த்தி செய்யவில்லை.