ஆர்.ஏ.புரம் கோவிலில் திருட்டு

ஆர்.ஏ.புரம் கெனால் பேங்க் ரோட்டில் (மேற்கு), சங்கீதா உணவகம் அருகில் அமைந்துள்ள பெரியபாளையத்து அம்மன் கோயிலில் திருட்டு நடந்துள்ளது.

ஞாயிற்றுக்கிழமை இரவு 9 மணியளவில் மின்தடை ஏற்பட்டநேரத்தில் இந்த பகுதி இருளில் இருந்த நேரத்தில் திருட்டு நடந்திருக்கலாம் என அப்பகுதி மக்கள் தெரிவிக்கின்றனர்.

திங்கள்கிழமை காலை, கோயில் பூசாரி திருட்டைக் கவனித்து, கோயில் கமிட்டித் தலைவருக்குத் தகவல் அளித்து, காவல்துறையில் புகார் அளித்தார்.

திருடப்பட்ட பொருட்களில் சுமார் 25,000 ரூபா பெறுமதியான அம்மனுக்கு அலங்காரம் செய்யப்பட்ட பொருட்களும் உள்ளடங்கும்.

இந்த வழக்கை அபிராமபுரம் போலீசார் விசாரித்து வருகின்றனர்.

செய்தி: பாஸ்கர் சேஷாத்ரி