பள்ளி, கல்லூரி மாணவர்களுக்கான திருக்குறள் அடிப்படையிலான பேச்சு, ஓவியம் மற்றும் கட்டுரைப் போட்டிகள்

இந்தியாவின் முன்னணி வங்கி சாரா நிதி நிறுவனங்களில் ஒன்றான ஸ்ரீராம் குழுமத்தின் இலக்கியப் பிரிவான ஸ்ரீராம் இலக்கியக் கழகம், பள்ளி மற்றும் கல்லூரி மாணவர்களுக்கான திருக்குறள் சார்ந்த பேச்சு, ஓவியம் மற்றும் கட்டுரைப் போட்டிகளை நடத்துகிறது.

சென்னை மண்டல போட்டிகள் அண்ணாநகர் சிஎஸ்ஐ ஜெஸ்ஸி மோசஸ் மெட்ரிக் பள்ளியிலும், அக்டோபர் 14ல் கிழக்கு தாம்பரத்தில் உள்ள கிறிஸ்ட் கிங் பெண்கள் மேல்நிலைப்பள்ளியிலும் நடக்கிறது.

ஆர்வமுள்ள மாணவர்கள் ஸ்ரீராம் சிட்ஸ், # 145, சாந்தோம் நெடுஞ்சாலை, மயிலாப்பூர், சென்னை – 600 004 (தொலைபேசி எண் : 044 – 4021 4100) என்ற முகவரியில் விண்ணப்பப் படிவங்களைப் பெறலாம் அல்லது www.shriramchits.com வலைதளத்திலிருந்து பதிவிறக்கம் செய்யலாம்.

பூர்த்தி செய்யப்பட்ட விண்ணப்பத்தை சமர்ப்பிக்க செப்டம்பர் 30ம் தேதி கடைசி நாள்.

போட்டியாளர்கள் ஜூனியர் (வகுப்புகள்: 6-8), சீனியர்கள் (வகுப்புகள்: 9-12) மற்றும் கல்லூரி (யுஜி, பிஜி, பொறியியல், மருத்துவம் மற்றும் பாலிடெக்னிக் மாணவர்கள்) என 3 குழுக்களாகப் பிரிக்கப்படுவார்கள்.