மார்ச் 1 ஆம் தேதி இரவு முழுவதும் சைவ சமய பக்தர்கள் மகா சிவராத்திரியைக் கொண்டாடுவார்கள். மயிலாப்பூரில் உள்ள பல்வேறு கோவில்கள் சிவராத்திரி விழாவை தங்கள் சொந்த வழியில் கொண்டாட திட்டமிட்டுள்ளனர்.
ஸ்ரீ காரணீஸ்வரர் கோயிலில் செவ்வாய்க்கிழமை (மார்ச் 1) இரவு 9 மணிக்குத் தொடங்கி நான்கு காலங்களுக்கும் ஒவ்வொரு சிறப்பு அலங்காரம் நடைபெறும்.
சண்முக குருக்கள் ஒவ்வொரு காலத்துக்கும் வித்தியாசமான அலங்காரம் செய்வதே விழாவின் சிறப்பு என்றும், இதில் மஞ்சள் அலங்காரம், பச்சைப் பட்டு அலங்காரம், வெள்ளைப் பட்டு அலங்காரம் ஆகியவை அடங்கும் என்றும் கூறினார்.
ஸ்ரீ வாலீஸ்வரர் கோயிலில், நான்கு கால அபிஷேகம் செவ்வாய்க்கிழமை நள்ளிரவு தொடங்கி, மார்ச் 2 ஆம் தேதி காலை 6 மணி வரை நடைபெறும்.
ஸ்ரீ கபாலீஸ்வரர் கோவிலில், நான்கு காலக்கட்டங்களில் முதலாவது செவ்வாய்க்கிழமை இரவு 11.30 மணிக்குப் பிறகு தொடங்கி புதன்கிழமை காலை 6 மணி வரை செல்லும். புதன்கிழமை காலை நான்கு கால அபிஷேகம் முடிந்ததும் அர்த்த ஜாம பூஜை (வழக்கமாக தினமும் இரவு 9 மணிக்கு நடைபெறும்) நடைபெறும் என்று பரம்பரை குருக்களில் ஒருவரான கபாலி வைத்தியநாதன் குருக்கள் தெரிவித்தார்.
கோவில் வளாகத்தில் இருந்து சற்று தூரத்தில், பி.எஸ். பள்ளி விளையாட்டு மைதானத்தில் செவ்வாய்க்கிழமை மாலை 6 மணி முதல் புதன்கிழமை காலை 6 மணி வரை 12 மணி நேர இடைவிடாத கலாச்சார நிகழ்ச்சிக்கு ஏற்பாடு செய்யப்பட்டுள்ளது.
தற்போது, கோவில்களுக்குள் பக்தர்கள் நுழைவதற்கு எந்த தடையும் இல்லை, மேலும் இந்த கோவில்கள் அனைத்திலும் அவர்கள் இரவு முழுவதும் அபிஷேகத்தை தரிசனம் செய்யலாம். மயிலாப்பூரில் உள்ள ஸ்ரீ கபாலீஸ்வரர் மற்றும் பிற சிவன் கோயில்களில் மகா சிவராத்திரியை முன்னிட்டு ஆயிரக்கணக்கான பக்தர்கள் குவிவது வழக்கம்.
செய்தி: எஸ்.பிரபு
