அதிக சேதம் ஏற்படுத்தாமல் கரையை கடந்தது நிவர் புயல்.

மயிலாப்பூரில் இன்றைய காலை பொழுது அமைதியான சூழ்நிலையில் காணப்பட்டது. புதுச்சேரிக்கு வடக்கே நள்ளிரவு கரையை கடந்தது நிவர் சூறாவளி. ஆனால் சென்னை நகரம் முழுவதும் பலத்த காற்று வீசியதால் பெரும் சேதம் ஏற்படவில்லை என்பதற்கு பலர் நன்றி தெரிவித்தனர். பல தெருக்களில் ஏராளமான இலைகள் மற்றும் கிளைகள் மற்றும் வேரோடு பிடுங்கப்பட்ட தாவரங்கள் இருந்தன, ஆனால் ஒரு சில மரங்கள் மட்டுமே அங்கும் இங்கும் பிடுங்கியெறியப்பட்டிருந்தது. மின் விநியோகம் பல இடங்களில் எவ்வித தடையுமின்றி வழங்கப்பட்டதாக பொதுமக்கள் சிலர் கூறினர். ஆனால் சில இடங்களில், காற்று வலுவாக வீச தொடங்கியபோது நள்ளிரவில் மின்சாரம் துண்டிக்கப்பட்டது. சில பகுதிகளில், குடியிருப்பாளர்கள் தங்கள் பிராட்பேண்ட் நெட் இணைப்பு துண்டிக்கப்பட்டதாக தெரிவித்தனர். மற்றவர்கள் ஆவின் தினசரி பால் விநியோகத்தை எவ்வித தடையுமின்றி வழங்கியதற்கு நன்றி தெரிவித்தனர். மாநகராட்சி பணியாளர்கள் விழுந்த மரக் கிளைகளை அகற்றுவது அல்லது போக்குவரத்தைத் தடுக்கும் மரங்களை வெட்டி அகற்றியதை காணமுடிந்தது. மெரினாவில் லூப் சாலை வரை காற்று மணலை வீசியது. இங்குள்ள படகுகள் மற்றும் மீன்பிடி வலைகள் அதிக அளவு மணலால் மூடப்பட்டிருந்தன. கடல் ஆக்ரோஷமாக காணப்பட்டது.