கவுன்சிலர் அமிர்த வர்ஷினி கூறுகையில், சென்னை மாநகராட்சி கமிஷனரை சமீபத்தில் சந்தித்து, சிறு உணவகங்களுக்கு வழங்கப்படும் எளிமைப்படுத்தப்பட்ட உரிமத்தை பட்டினப்பாக்கம் மண்டலத்தில் உள்ள மெரினா லூப் ரோட்டின் தெற்கு முனையில் அமைந்துள்ள உணவுக் கடைகளுக்கும் வழங்க வேண்டும் என்று கோரிக்கை விடுத்துள்ளார்.
ஒரு டஜனுக்கு மேற்பட்ட இந்த கடைகள், கடல் உணவை வழங்குவதில் நிபுணத்துவம் பெற்றவை மற்றும் அதிக வாடிக்கையாளர்களைக் கொண்டுள்ளன.
இந்த மண்டலத்தை பிரதிநிதித்துவப்படுத்தும் கவுன்சிலர், இந்த உரிமம் சுமார் 200 சதுர அடியில் உள்ள உணவுக் கடைகளுக்கு பொருந்தும் என்று கூறுகிறார். முறையான உரிமம் வழங்கப்பட்டால் வணிகம் சட்டப்பூர்வமாக இருக்கும்.
இந்த நடவடிக்கை குறித்து கடல் உணவு கடை உரிமையாளர்களுடன் விவாதித்ததாகவும், அவர்கள் இந்த யோசனைக்கு உடன்படுவதாகவும் அவர் கூறுகிறார்.
தற்போதைய நிலவரப்படி, இந்த கடைகள் அனைத்தும் உரிமம் பெறாதவை.
மெரினா லூப் சாலையில் உள்ள அனைத்து மீன் விற்பனைக் கடைகளையும் அகற்றக் கோரி தொடரப்பட்ட வழக்கை விசாரித்த சென்னை உயர் நீதிமன்ற நீதிபதிகளிடமிருந்து அவர்கள் கடுமையான விமர்சனங்களுக்கு ஆளாகினர்.
நடைபாதை மற்றும் சாலையோரங்களில் ஆக்கிரமிப்பு செய்து, சுகாதாரமற்ற நிலையில் உணவு பரிமாறியதால், போக்குவரத்து நெரிசல் ஏற்படுவதால், சட்டவிரோத கடல் உணவுக் கடைகளையும் அகற்றுமாறு, மாநகராட்சி அமைப்புக்கு நீதிமன்றம் உத்தரவிட்டது.
உணவுக் கடைகளின் வடிக்கையாளர்கள் தங்கள் பைக்குகள் மற்றும் கார்களை நிறுத்தும் வகையில் சாலைக்கு வெளியே வாகன நிறுத்துமிடத்தை உருவாக்க தமிழ்நாடு நகர்ப்புற வாழ்விட வாரியச் சொத்தின் ஒரு பகுதியைப் பயன்படுத்த வேண்டும் என்று பெருநகர மாநகராட்சிக்கு பரிந்துரைத்ததாகவும் அமிர்தா கூறுகிறார்.
