மாதவ பெருமாள் கோயிலில் புதன்கிழமை (ஆகஸ்ட் . 10) மாலை 5 மணிக்குத் தொடங்கி ஐந்து மணி நேரம் பிரபந்தம் ஓதுதல், வேத முழக்கங்கள், ஹோமம் மற்றும் பக்தர்கள் குண்டம் சுற்றி வருதல் போன்ற நிகழ்ச்சிகள் நடந்தது.
உற்சவ மூர்த்திக்கு மார்பில் நகைகள் மற்றும் தலையில் கிரீடத்துடன் ஜொலிக்கும் வகையில் அலங்கரிக்கப்பட்டிருந்தது. உற்சவ மூர்த்தியின் முன் 10 க்கும் மேற்பட்ட உறுப்பினர்கள் நாலாயிர திவ்ய பிரபந்தம் மற்றும் வைஷ்ணவ ஆச்சார்ய மணவாள மாமுனிகளின் உபதேச ரத்ன மாலை ஆகியவற்றிலிருந்து 300 க்கும் மேற்பட்ட பாடல்களை பாடினர்.
உற்சவத்தின் சிறப்பு அம்சமாக மூன்று மாலைகளிலும் அலங்காரம் இருந்தது.
பக்தர்களால் வழங்கப்பட்ட பல கிலோ எடையுள்ள நெய் ஹோம குண்டத்தில் ஊற்றப்பட்டு தீ மூட்டப்பட்டு அர்ச்சகர்கள் வேத முழக்கங்களை எழுப்பினர்.
இரவு 7 மணிக்கு மேல், பவித்ரோத்ஸவத்தின் சிகர நிகழ்ச்சியான மகா பூர்ணாஹதியை காண ஏராளமான பக்தர்கள் குவிந்தனர்.
